នាពេលកន្លងមកនេះ ឯកឧត្តមបណ្ឌិត ជាម ច័ន្ទសោភ័ណប្រធានគណៈកម្មាធិការ សាខាកាកបាទក្រហមកម្ពុជា ខេត្តកំពង់ស្ពឺ បានធ្វើការក្រើនរំលឹក ទៅដល់ថ្នាក់ដឹកនាំ និង សមាជិក សមាជិកា និងអនុសាខាក្រុង ស្រុក ដែលជាប្រតិបត្តិករ កាកបាទក្រហមកម្ពុជា ទាំងអស់ ឲ្យបន្តខិតខំយកចិត្តទុកដាក់ពង្រឹងយន្តការ ដឹកនាំគ្រប់គ្រង និងបង្កើនសកម្មភាព បំពេញបេសកម្ម ឲ្យបានកាន់តែ ល្អប្រសើរថែមទៀត ដើម្បីឆ្លើយតបនឹងទិសដៅផែនការអនុវត្តបន្ត សម្រាប់ឆមាសទី២ ឆ្នាំ២០២៦ ឲ្យទទួលបាននូវប្រសិទ្ធភាពខ្ពស់។
ការក្រើនរំលឹកនេះ ធ្វើឡើងនៅក្នុងកិច្ចប្រជុំបូកសរុបលទ្ធផលការងារ សាខាកាកបាទក្រហមកម្ពុជា ខេត្តកំពង់ស្ពឺ ឆមាសទី១ និងលើកទិសដៅការងារបន្តកាលពីថ្ងៃទី២៧ខែកក្កដា ឆ្នាំ២០២៦ នៅសាលាខេត្តកំពង់ស្ពឺ។
