កាលពីថ្ងៃទី ០៤ ខែឧសភា ឆ្នាំ២០២៦ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានអញ្ជើញជាអធិបតីក្នុងកិច្ចប្រជុំពិនិត្យ និងសម្រេចលើលក្ខខណ្ឌនៃការប្រើប្រាស់ដីធ្លី និងការគ្រប់គ្រងនគរូបនីយកម្ម និងសំណង់ ក្នុងតំបន់ ១ និងតំបន់ ២ នៃរមណីដ្ឋានបេតិកភណ្ឌពិភពលលោកអង្គរ និងផែនការប្រើប្រាស់ដី ភូមិទាំង ១១៤ ក្នុងតំបន់អង្គរ នៅទីស្តីការក្រសួងរៀបចំដែនដីនគរូបនីយកម្ម និងសំណង់។
នៅក្នុងកិច្ចប្រជុំនេះដែរ គឺមានការអញ្ជើញចូលរួមពីរដ្ឋមន្ត្រី ក្រសួងវប្បធម៌ និងវិចិត្រសិល្បៈ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ តំណាងឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ ឯកឧត្តម លោកជំទាវ ក្រសួង ស្ថាប័នពាក់ព័ន្ធ តំណាងរដ្ឋបាលខេត្តសៀមរាប និងរដ្ឋបាលខេត្តពាក់ព័ន្ធ និងមន្ត្រីជំនាញជាច្រើនរូបផងដែរ។
