អនុវត្តតាមគោលនយោបាយរបស់រាជរដ្ឋាភិបាល និងការដឹកនាំរបស់លោក ហៃ សំណាង ជាអភិបាល នៃគណៈអភិបាលស្រុកស្វាយអន្ទរផងនោះ លោកស្រី សៀម មុំ ជាអភិបាលរងស្រុកស្វាយអន្ទរ ទទួលបន្ទុកការងារអត្រានុកូលដ្ឋាន បានខិតខំប្រឹងប្រែងអនុវត្ត ការងារសម្រេចបានលទ្ធផលជាច្រើនគួរឱ្យកោតសរសើរ។
បើតាមលោកស្រី សៀម មុំ បានឱ្យដឹងថា ក្នុងមួយថ្ងៃៗ មានប្រជាពលរដ្ឋមកសុំផ្តល់ សេវាសាធារណៈពី ៥០-៦០-៧០-៨០-៩០នាក់ រហូតដល់ទៅ ១២០នាក់ ក៏មាន មានដូចជា សុំចម្លងសំបុត្រអាពាហ៍ពិពាហ៍ ចម្លងសំបុត្រកំណើត និងចម្លងសំបុត្រមរណៈភាពជាដើម។ ទោះបីជាមានប្រជាពលរដ្ឋមកសុំផ្តល់សេវាសាធារណៈច្រើនក្តី តិចក្តី លោកស្រី និងមន្ត្រី អត្រានុកូលដ្ឋានរបស់ស្រុកតែងតែបានផ្តល់ជូនពួកគាត់បានទាន់ពេលវេលា។
ក្រៅពីការងារស្នូល លោកស្រីតែងតែបានចូលរួមចំណែកជាមួយក្រុមការងាររបស់ស្រុកដែលមានលោកអភិបាលស្រុក ជាប្រធានបានចុះតាមមូលដ្ឋានសាកសួរសុខទុក្ខពីក្តីកង្វល់របស់ប្រជាពលរដ្ឋជាបន្តបន្ទាប់ផងដែរ។